Que significa WEP e WPA?

WEP e WPA (así como WPA2) son os nomes para distintas ferramentas de cifrado usadas para asegurar a súa conexión sen fíos. O cifrado da súa conexión de rede fai que ninguén poida «escoitala» e ollar as páxinas web que está vendo, por exemplo. WEP significa Wired Equivalent Privacy, e WPA significa Wireless Protected Access. WPA2 é a segunda versión do estándar WPA.

Usar algún cifrado sempre é mellor que non usar ningún, pero WEP é menos seguro que estes estándares, e debería evitar o seu uso sempre que poida. WPA2 é o máis seguro dos tres. Se a súa tarxeta sen fíos e o seu enrutador permiten WPA2, este é o que debería usar ao configurar a súa rede sen fíos.